Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra e Departamentit Amerikan të Shtetit për Çështje Evropiane dhe Euroaziatike e ka përgëzuar Kosovën dhe Serbinë për “pikën administrative të kontrollit modern, administrativ në Merdare”. Kjo zyrë shkruan se pikëkalimi në fjalë do ta ndihmojë rritjen e ekonomisë. “Urime për pikëkalimin modern, të financuar nga BE-ja, në Merdare, i cili tani është plotësisht i stafuar dhe funksional. Kjo strukturë do të ndihmojë ekonominë e rajonit të rritet përmes tregtisë më efikase dhe të sigurt dhe plotëson një nga pikat e Marrëveshjeve të Uashingtonit”, thuhet në njoftimin e Departamentit të Shtetit në rrjetin social. Ky pikëkalim, si dhe katër të tjerë ndërmjet Kosovës dhe Serbisë, u hap në bazë të një marrëveshjeje nga Brukseli e arritur në 2011 midis Prishtinës dhe Beogradit, e cila u finalizua edhe në marrëveshjen e Washingtonit në shtator.
