Gjashtë nga 42 të lënduarit nga shpërthimi i djeshëm në Ferizaj priten të nisen për trajtim në Turqi

Pasdita e djeshme ishte mjaftë e rëndë për gjithë vendin, por më së shumti për qytetin e Ferizajt. Si pasojë e një shpërthimi të bombolës së gazit në një prej restoranteve të këtij qyteti, lëndime trupore pësuan 42 persona. Fuqia e këtij shpërthimi ishte jashtëzakonisht e madhe, sa arriti të shkaktojë dëme të mëdha brenda e jashtë objektit. 13 nga qytetarët e plagosur u transferuan menjëherë për në Qendrën Klinike Universitare të Kosovës, derisa nga Klinika Intensive e QKUK-së sot bënë të ditur se pesë nga këta pacientë janë në gjendje më të rënduar shëndetësore.