Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës ka shfaqur shqetësimin e saj se Komisioni Qendror i Zgjedhjeve është kërcënuar nga ata që janë të obliguar të sigurojnë funksionim të pavarur të tij. Gjatë konferencës për medie, përfaqësuesja e LDK-së, Ardita Dushi theksoi se dje është kërcënuar Komisioni Qendror i Zgjedhjeve dhe ky është institucion i pavarur që nuk guxon të cenohet në punën e tij. Ajo shtoi më tutje se kërcënimi është shkelje kushtetuese dhe ky institucion është kërcënuar nga ata që janë të obliguar sipas kushtetutës të sigurojnë funksionim të pavarur dhe kushtetues. Lidhja Demokratike e Kosovës konsideron se kjo është ndërhyrje flagrante në punën e KQZ-së dhe tentim për favorizim të një partie politike. Për herë të parë në Kosovë që nga viti 1999 ndodh një kërcënim i tillë dhe ndërhyrje flagrante në pavarësinë e punës së KQZ-së, u tha në mes tjerash gjatë konferencës së LDK-së për medie.
