Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Prishtinë është nënshkruar marrëveshja ndërmjet Aleancës për Ardhmërinë e Kosovës dhe Nismës për Kosovën lidhur me thellimin e bashkëpunimit të ri opozitar. Marrëveshja është nënshkruar nga kreu i AAK-së, Ramush Haradinaj dhe Fatmir Limaj nga Nisma për Kosovën. Ata kanë ftuar të gjithë ata që dëshirojnë t’i bashkohen këtij boshti opozitar, që e kanë quajtur edhe koalicion fitues që do të japë ndryshimin në Kosovë. Rreth këtij boshti janë të hapura dyert për të gjitha partitë politike. Kjo është marrëveshje për thellimin e bashkëpunimit opozitar. Ky koalicion parazgjedhor jep shpresë për ndryshim të qeverisjes”, ka thënë Limaj. Ndërsa Haradinaj ka thënë se “ky bashkëpunim i avancuar me Nismën është bërë pasi e ndjejmë peshën e përgjegjësisë për ndryshime. Kjo marrëveshje është si ftesë për forcat e tjera politike, të cilat dëshirojnë të bashkohen.
