500 punëtorët shëndetësorë kosovarë që kanë marrë dozën e parë të vaksinës në Kukës më 20 dhe 21 mars, janë ftuar të hënën të paraqiten ne sallën “1 Tetori” në Prishtinë për të injektuar dozën e dytë. Të imunizuarit me AstraZeneca do të bëhen kosovarët e parë që do të “sigurohen” me dozën e dytë. Ata kësaj radhe do të vaksinohen me Pfizer. Kreu i Federatës Sindikale të Shëndetësisë, Blerim Syla, ka njoftuar se vaksinimi i dytë për stafin mjekësor do fillojë nga ora 12:30, ndërsa do t`i mbrojë edhe nga versioni i ri indian i virusit. Ndërkaq, sot pasdite pritet të arrijnë edhe 3500 doza të vaksinës anti-Covid të Pfizerit në Kosovë, si pjesë e ndihmës nga Bashkimi Evropian.
![Rreth 500 punëtorë shëndetësorë që kanë marrë dozën e parë të vaksinës në Kukës gjatë muajit mars](https://www.radiokosovaelire.com/wp-content/uploads/auto_vaksina1594814676-600x360-1-600x330.jpg)