Kryeshefi ekzekutiv i Fondacionit “Sfidat e Mijëvjeçarit”, Petrit Selimi, ka bërë të ditur se në buxhetin e ri të presidentit amerikan Joe Biden, Kosova do të marrë mbështetje të vazhdueshme financiare nga MCC. Në një postim në Twitter, Selimi ka thënë se në kuadër të kësaj, SHBA-ja do të vazhdojë të zhvillojë synimet duke u përqendruar në diversifikimin e energjisë – futjen e mundshme të gazit në Kosovë. Ndërkaq, sipas një dokumenti të publikuar në media, do të jepen 200 milionë dollarë për shtyerjen përpara të projekteve amerikane në Kosovë. Këto projekte janë paraparë si formë për zhvillimin ekonomik të Kosovës, thuhet në dokumentin e arsyetimit buxhetor.
Kontrolloni gjithashtu
Ramush Haradinaj: AAK po rritet në Gjermani, jemi bashkë në përkushtimin tonë për ta orientuar vendin drejt zhvillimit
Kryetari i AAK-së, Ramush Haradinaj, ka theksuar rëndësinë e bashkatdhetarëve në çdo proces për të …