Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendësndihmës sekretari amerikan i shtetit, MatthewPalmer bashkë me ambasadorin amerikan në Kosovë, Philip Kosnett kanë takuar sot kryetarin e PDK-së, Enver Hoxhaj. Në këtë takim temë kyçe ishte çështja e dialogut, Kosovë-Serbi si dhe zhvillime të tjera në kuadër të vendit. “Në këtë takim është biseduar për të ardhmen e dialogut Kosovë-Serbi, pritjet nga ky proces të PDK-së që duhet të përfundojnë me njohjen e ndërsjellë, rolin opozitar të partisë në jetën politike të vendit si dhe tema të tjera me interes për vendin”, thuhet ën njoftimin për media. Gjithashtu u theksua se Hoxhaj ka sqaruar pozicionin e PDK-së në raport me zhvillimet politike, dhe ka kërkuar një rol më të madh dhe të drejtpërdrejt të Shteteve të Bashkuara të Amerikës në dialog si partner strategjik i Kosovës. Bashkë me Hoxhajn në këtë takim të pranishëm ishin edhe Sekretari i përgjithshëm, Uran Ismaili dhe anëtarja e kryesisë, Blerta Deliu Kodra. Zyrtari amerikan, Matthew Palmer ka takuar tashmë edhe liderin e LDK-së, Lumir Abdixhikun me të cilin ka diskutuar lidhur me zhvillimet politike në vend si dhe çështjen e dialogut.
