Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe këtë vit, mërgimtarët tonë po përballen me dukurinë e pritjeve të gjata nëpër pikat doganore me vendet fqinje gjatë ardhjes në vendlindjen e tyre. Pritjet më të gjata si zakonisht janë në pikat doganore me Serbinë ku janë të detyruar të presin deri afër 2 orë. Nga të dhënat e Qendrës Kombëtare për Menaxhimin Kufitar mësohet se kolona e automjeteve të bashkëkombësve tonë që po vijnë nëpërmjet Serbisë, ka arritur në qindra metra. Në vendkalimin kufitar te Dheu i Bardhë, gjatësia e kolonës është afër 400 metra ndërsa në vendkalimi kufitar në Merdar gjatësia e kolonës së automjeteve është rreth 200 metra. Pritjet janë dukshëm më të vogla në vendkalimet kufitare me Shqipërnë dhe Maqedoninë Veriore me një pritje prej 10 deri 15 minuta.
