Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eksperti amerikan për Ballkanin, Daniel Serwer ka komentuar rezultatet e zgjedhjeve të së dielës në Serbi. Ai ka thënë se kryeministri, Aleksandër Vuçiq, ka fituar mbështetje të madhe për shkak të politikës së tij pro-evropiane, e cila ka qenë tema kryesore e fushatës së tij. Por, Serwer poashtu ka përmendur se dikur Vuçiq ka qenë nacionalist ekstrem. “Shumë pyeten se përse Perëndimi është aq dashamirës ndaj Vuçiqit? Përgjigjja është e thjeshtë. Sekreti i diplomacisë është të bindni palën tjetër të bëjë atë që ju dëshironi. Dhe, Vuçiq po bën me sukses shumëçka që do BE-ja nga ai”, është shprehur analisti amerikan. Serwer, gjithashtu, ka thënë se anëtarësimi i Serbisë në BE nuk do të jetë i mundur derisa nuk zgjidhen çështjet kryesore. “Kjo nënkupton njohjen diplomatike të Kosovës dhe shkëmbimin e ambasadorëve. Nëse nuk e bën një gjë të tillë, nuk e di se si Serbia mund të bëhet anëtare e BE-së”, ka deklaruar analisti, Daniel Serwer.
