Mbahet dëgjimi i tretë dhe i katërt publik me banorët e fshatrave Seçishtë dhe Gorancë lidhur me planifikimin e buxhetit për vitet 2022-2024

27/08/2021 Institucionet

Komuna e Hanit të Elezit ka vazhduar me takimin e tretë dhe të katërt publik lidhur me Planifikimet Buxhetore për vitet 2022-2024 me banorët e fshatit Seçishtë dhe Gorancë. Në fillim Shabi Rexhallari, Drejtor për Buxhet dhe Financa e bëri një prezantim të shkurtër mbi planifikimin e buxhetit për vitet 2022-2024 për komunën e Hanit të Elezit të ndarë nga Ministria e Financave, Punës dhe Transfereve sipas kufijve final buxhetor, ku theksoi se buxheti për vitin fiskal 2022 do të jetë në lartësi prej 2,759,758€, ndërsa parashikimet buxhetore për vitet 2023 do të jetë në lartësi prej 2,903,855€, respektivisht për vitin 2024 do të jetë në lartësi prej 3,039,398€. Nga ky buxhet që kemi për vitin 2022, shpërndarja është sipas pesë (5) kategorive ekonomike të shpenzimeve dhe atë si vijon: në paga dhe shtesa kemi 1,756,083€, për mallra dhe shërbime kemi 385,975€, për shpenzime komunale kemi 67,700€, për subvencione dhe transfere kemi 80,000€, si dhe për investime kapitale buxheti do të jetë në shumë prej 470,000€. Ndërkaq ai tha që buxheti për vitin 2022 në krahasim me vitin 2021 do të jetë më i madh për 239,592€ apo për 9.51%. Pas fjalimit të Drejtorit të Financave, iu dha fjala edhe Kryesuesit të Kuvendit Qamush Brava, ku ai tregoi edhe procedurat e legjislativit dhe sqaroi se ekzekutivi pasi t’i merr kërkesat buxhetore nga dëgjimet buxhetore i dërgon në kuvend dhe më pastaj këshilltarët komunal i shqyrtojnë dhe i miratojmë në bazë të vlerësimit të bërë nga ekzekutivi i komunës deri para datës 30 shtator 2021. Nga takimet e mbajtura, banorët nga fshati Seçishtë, Rezhancë dhe Gorancë, parashtruan kërkesat e tyre buxhetore që kanë të bëjnë me infrastrukturë si: rregullim të kanalizimeve atmosferike dhe fekale, rregullim dhe rihapje të disa rrugëve, rregullim të kanaleve të ujitjes, ndërtimin e mureve mbrojtëse, rregullim të rrethojës dhe parkingut të shkollës, etj.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara