Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Mjedisit dhe Planifikimit Hapësinor ka paralajmëruar ndëshkime për të gjitha ata që ndezin goma me rastin e 1 Majit, Ditës Ndërkombëtare të Punëtorëve. Kjo ministri përkujton se ligji për mbrojtjen e ajrit ndalon rreptësisht djegien e gomave. “Me 100 euro gjobë dënohet personi që djegë goma të automjeteve, ose mbeturina tjera prej gome, në hapësirat private, publike, në rrugë, ose natyrë”, thuhet në kumtesë. Ministria e Mjedisit tërheq vërejtjen se dyoksina dhe oksidet e tjera që lirohen nga djegia e gomave dhe materieve tjera shkaktojnë probleme serioze shëndetësore, si dëmtimin e organeve të frymëmarrjes, kancerin e mushkërive, dëmton lëkurën duke shkaktuar edhe shumë probleme të tjera shëndetësore. Ministria e Mjedisit bënë me dije se janë angazhuar inspektorët, si dhe Policia e Kosovës dhe tërheq vërejtjen se kushdo që zihet, ose dëshmohet se ka ndezur zjarre do të dënohet.
