Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka reaguar pas përhapjes së lajmit se Kosova nuk u ftua në Samitin e Uashingtonit, duke fajësuar kryeministrin Kurti për degradim të raporteve me Shtetet e Bashkuara të Amerikës. Haradinaj ka thënë se aftësitë eksperimentale dhe manipuluese të kryeministrit Kurti në emër të Kosovës në raportet me Amerikën janë të papranueshme dhe nuk duhet të tolerohen nga askush. Mos-ftesa e Kosovës në Samitin e Uashingtonit duhet të na shqetësojë të gjithëve pa dallim dhe të shërbejë si sinjal alarmi për shkallën e degradimit të raporteve me këtë shtet si rezultat i qeverisjes së Albin Kurtit. Ky degradim i raporteve strategjike me ShBA-të, duhet të marrë fund njëherë e përgjithmonë dhe Kosova ta rikthejë tashmë besimin e venitur.
