Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Republikës së Kosovës, Hashim Thaçi ka zhvilluar sot një takim me drejtorin e Odës Ekonomike Amerikane, Arian Zeka, me të cilin bisedoi për krijimin e një mjedisi sa më të përshtatshëm për bizneset vendore. Kryetari Thaçi, siç bëhet e ditur në kumtesën për medie, u shpreh se nënshkrimi dhe hyrja në fuqi e Marrëveshjes së Stabilizim-Asocimit dhe plotësimi i kritereve për t’u bërë kandidat i ‘Millenium Challenge Corporation’ të Kongresit Amerikan, paraqesin dy konfirmime të fuqishme se Kosova ka bërë hapa të mëdhenj në krijimin e mjedisit sa më të mirë të të bërit biznes në Kosovë. Ndërkaq, drejtori i Odës Ekonomike Amerikane, Arian Zeka u shpreh i inkurajuar me faktin që kryetariThaçi qysh në fillim të mandatit e ka vënë në theks rëndësinë e zhvillimit ekonomik dhe të sundimit të ligjit.
