Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i njohur dhe analist, Dastid Pallaska, me shpalljen përfundimtare të rezultatit të zgjedhjeve vendore dhe humbjen e Vetëvendosjen ka deklaruar se tanimë është e qartë se fitorja e partisë në pushtet me 14 shkurt ishte – para se gjithash – teknike. Fitore për shkak të mungesës së ekipeve kundërshtare në fushë. Ishte kulmi i një fluske të fryrë me gënjeshtra dhe zemërim që kishte bashkuar njerëz që nuk kishin asgjë të përbashkët. Si e tillë, ishte e gjykuar të dështonte shpejtë dhe fortë. Kjo u konfirmua sonte. Për më pak se një vit, qytetarët kuptuan se fjalimet opozitare, me rimë të Albin Kurtit jo vetëm që nuk ofrojnë zgjidhje për problemet e tyre të përditshme por as nuk përputhen me veprimet e tij qeveritare. Tërë kjo për shkak se kandidatët e partisë në pushtet garuan në komunat e tyre vetëm me një argument, bekimin e tyre nga Albin Kurti që – sipas tyre – ju garantonte favorizim nga qeveria.
