Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Memli Krasniqi, sot në Kuvendin e Kosovës ka thënë se Qeveria ka për qëllim të legalizojë ndërprerjen e rrymës për qytetarët me vendimin për të shpallur krizë në furnizimin me energjinë. “Nga ajo që e pashë, nga vendimi që e keni sjellë, krejt çka po kërkoni është që ta legalizoni shkëputjen e rrymës për qytetarët e Kosovës”, tha Krasniqi në Kuvendin e Kosovës. Ai ka thënë se PDK-ja ka kërkuar tash e dy javë që Qeveria të sjellë një vendim të tillë, ndërsa sipas tij tashmë është vonë. “Më shumë se dy javë i ka që si Parti Demokratike e Kosovës ju kemi kërkuar që të vini me një vendim për shpalljen e gjendjes emergjente”, tha kryetari i PDK-së. “Ministrja duhet ta mësojë kryeministrin, sepse ai s’ka faj që s’i di të gjitha, sepse ju ndoshta mendoni që i di të gjitha, por nuk i di, andaj duhet t i tregoni që ka mundur të ketë kontraktim të mëhershëm, për t i marrë kontratat kur kanë qenë çmimet dy herë më të shtrenjta, e jo gjashtë herë e shtatë herë siç po paguajmë sot, saktësoi, Memli Krasniqi.
