Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Jens Stoltenberg, ka folur për situatën aktuale në Ballkanin Perëndimor. Ai ka thënë për mediet në Mal të Zi se kohëve të fundit ka pasur rritje të tensioneve në Kosovë dhe Bosnje e Hercegovinë, por NATO-ja do të vazhdojë të promovojë stabilitetin në rajon. “Ballkani Perëndimor ka kaluar një rrugë të gjatë që nga luftërat e viteve të 90-ta, por së fundmi kemi parë rritje të tensioneve në Kosovë ashtu dhe në Bosnje e Hercegovinë, me një retorikë agresive – reforma të ngecura dhe akterë të jashtëm që punojnë për të penguar progresin e arritur. Mirëpo NATO-ja do të vazhdojë të promovojë stabilitetin, sigurinë dhe bashkëpunimin në rajon, përfshirë punën e përditshme të misionit të KFOR-it në Kosovë dhe zyrave tona në Sarajevë dhe në Beograd. Stoltenberg, theksoi se bashkëpunimi me Bashkimin Evropian mbetet thelbësor, dhe se do të vazhdojnë të punojnë së bashku në ruajtjen e stabilitetit dhe do të mbështetin reformat.
