Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohjet e pavarësisë së Kosovës, kanë stagnuar prej kohës kur është hapur procesi i bisedimeve, Kosovë-Serbi. Kosova, në pesë vjetët e fundit, ka pranuar katër njohje ndërkombëtare. 14 vjet pas shpalljes së pavarësisë Kosova është njohur nga 117 shtete të botës. Gati gjysma prej tyre e kanë njohur në vitin e shpalljes së pavarësisë, më 2008. Nga vendet e Ballkanit Perëndimor nuk e njeh ende Serbia, e cila me Kushtetutë vazhdon ta konsiderojë si pjesë të veten, e as Bosnje dhe Hercegovina. Nga vendet e BE-së Pavarësinë e Kosovës nuk e kanë njohur Greqia Rumania, Spanja, Sllovakia dhe Qipro. Prej vitit 2013, kur edhe kanë filluar bisedimet dhe marrëveshjet e para, mes Kosovës dhe Serbisë, në Bruksel, ka stagnuar edhe procesi i njohjeve. Në dy tri vitet e fundit Serbia ka nxitur një fushatë të suksesshme diplomatike në tërheqjen e njohjeve nga disa shtete, të cilat paraprakisht e kishin njohur pavarësinë e vendit tonë.
