Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës e ka miratuar zgjatjen e masave emergjente për furnizimin me energji elektrike, ku përfshiheshin edhe kufizimet, reduktimet në furnizimin me energji elektrike për konsumatorë pavarësisht shtrenjtimit të energjisë elektrike. Zëvendësministri i Ekonomisë, Mentor Arifaj, ka thënë në mbledhjen e sotme të qeverisë se masat e marra në dhjetor të vitit të kaluar të vlefshme 60 ditë, kishin ndikuar pozitivisht në sigurinë e furnizimin me energji elektrike, ndërsa ka kërkuar që ato të vazhdojnë edhe për 30 ditë. “E kemi një propozim-vendim për zgjatjen e masës së energjisë për furnizim me energji edhe për 30 ditë tjera për shkak se masat e ndërmarra nga qeveria më 24 dhjetor dhe miratimin nga Kuvendi më 29 dhjetor 2021 patën ndikuar pozitivisht në ruajtjen e sigurisë së furnizimit me energji elektrike në rrethanat e një krize energjetike që e patëm. Ai ka arsyetuar propozimin edhe duke përmendur rrezikun e lartë, që ka thënë se ekziston ende në mundësinë që termocentralet “Kosova A” dhe “Kosova B” të bien apo të pësojnë defekte.
