Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe sot raportohet për luftime të ashpra në kryeqytetin e Ukrainës, në Kiev. Forcat ukrainase po bëjnë përpjekje të zmbrapsin ushtrinë ruse, e cila synon të marrë kontrollin e Kievit. Forcat e Armatosura të Ukrainës thanë se në një pjesë të qytetit ka “betejë të ashpër”, ndërsa “luftimet aktive” po zhvillohen në disa rrugë. Më shumë se 50 shpërthime dhe të shtëna me artileri të rëndë janë dëgjuar në kryeqytet. Sekretari i Këshillit të Sigurisë Kombëtare dhe Mbrojtjes i Ukrainës, Aleksej Danilov, tha se ushtria e ka nën “kontroll” situatën në Kiev. “Ne po e ndalojmë ushtrinë duke i përdorur të gjitha mjetet në dispozicion”, tha ai. Fati i Ukrainës po vendoset pikërisht tani, thonë zyrtarët e lartë të Ukrainës.
