Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokurori, Matthew Holing, nga Zyra e Prokurorit Special të Gjykatës Speciale, në deklaratën e tij përmbyllëse, para trupit gjykues të Gjykatës Speciale në Hagë, ka kërkuar që Hysni Gucati e Nasim Haradinaj të shpallen fajtorë për të gjitha akuzat me të cilat janë ngarkuar. Dy krerët e OVL-UÇK-së Gucati e Haradinaj akuzohen për vepra që lidhen me pengimin e administrimit të drejtësisë. Prokurori Metthew Holing ka thënë se Hysni Gucati e Nasim Haradinaj i kanë bërë krimet në mënyrë të hapur përmes video-incizimeve, me anë të së cilave, donin të pengonin procedurat, të frikësonin dhe të hakmerreshin kundër atyre që kishin bashkëpunuar me Prokurorinë e Gjykatës dhe sipas tij, kjo ka ndodhur. “Ata donin të pengonin procedurat, donin të dhunonin sekretin e procedurave dhe donin të frikësonin dhe të hakmerreshin kundër atyre që kanë bashkëpunuar me këtë gjykatë dhe kjo ka ndodhur. Dosjet e palës mbrojtëse nuk dëshmojnë asgjë” tha prokurori, Holing.
