Hapen rrugët për bashkëpunim në fushën e trashëgimisë kulturore mes Kosovës dhe Kroacisë

12/05/2016 Institucionet

Në vazhdën e vizitës zyrtare në Kroaci, ministri i Kulturës, Rinisë dhe Sportit, Kujtim Shala, i shoqëruar nga drejtuesit e ministrisë së Kulturës së Kroacisë, ka vizituar Institutin e Konservimeve të Kroacisë, ku është pritur nga drejtori i këtij institucioni, Mario Braun, dhe ka parë nga afër veprimtarinë e tij në fushën e konservimeve.

Ndërmjet ministrit Shala dhe drejtorit të këtij institucioni Mario Braoun u shqyrtuan format dhe mundësitë e bashkëpunimit konkret ndërmjet institucioneve të trashëgimisë kulturore të Kosovës dhe atyre të Kroacisë, me një theks të veçantë në mundësitë që ka dhe ofron ky institucion kroat i rëndësishëm për të ndihmuar ngritjen profesionale të kuadrit kosovar për konservimeve.

Delegacioni kroat u shpreh i gatshëm që të ndihmojë Kosovën në fushën e trashëgimisë dhe njëkohësisht të ofrojë përvojën kroate në fushën e konservimeve, ndërsa u dakordua që institucionet përkatëse të dy vendeve, në ditët në vijim, të konkretizojnë format dhe modalitetet e bashkëpunimit.

Kontrolloni gjithashtu

Zbatimi i ligjit është obligim i të gjithëve

Komuna e Skenderajt është duke zbatuar vazhdimisht dhe pandërprerë legjislacionin në fuqi, duke i informuar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara