Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Krerët politikë kanë shpërthyer me urime të shumta pas pranimit të Kosovës në FIFA. Kryetrari i vendit, Hashim Thaçi ka thënë se “anëtarësimi në FIFA, përfundimisht krijon një terren të ri për promovimin e futbollit kosovar në garat botërore”. Por, ajo çka bie në sy në urimin e Thaçit është deklarata e tij se lojtarët e Kosovës që kanë luajtur për kombëtare të tjera, tash e “kanë vendin në kombëtaren e Kosovës”. Ai nuk ka shpjeguar sesi ekipi verdhë e kaltër me simbole të ideuara nga Ahtisaari e me një himn që nuk njihet nga askush, mund të quhet ‘kombëtare’. Ndërkaq, kryeministri Mustafa ka qenë disi më i përkorë në urimin e tij. “Kosova sapo u bë anëtare e familjes botërore të futbollit, FIFA. Sukseset për vendin tonë nuk kanë të ndalur. Së shpejti do t’ju sjellim lajme të tjera të mira. 2016-ta pa dyshim është viti ynë. Kosova është gati!”, ka thënë kryeministri, Mustafa në një postim në faqen e tij zyrtare në Facebook. Ndërkaq, krye-kuvendari Kadri Veseli ka thënë se me pranimin e Kosovës në FIFA, bota do të shijojë futbollin e talenteve të Kosovës. Sipas tij “ky ishte një hap i rëndësishëm përpara në konsolidimin e mëtutjeshëm të imazhit dhe pozitës së Republikës së Kosovës në arenën ndërkombëtare”.
