Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediat sllovene e kanë zbuluar një skandal të madh financiar, ku është i përfshirë Robert Golob, kryetar i Partisë së Lirisë. Në këtë aferë, ku dyshohet për shpëlarje parash, është përfshirë edhe ambasadori i Kosovës në Kroaci, Martin Berishaj. Mediat sllovene tregojnë se ai ka bartur para kesh rreth 600 mijë euro nga kompania e tij, në Mal të Zi dhe i ka dorëzuar te politikani slloven. Tri ditë para zgjedhjeve të përgjithshme, në Slloveni ka shpërthyer ky skandal i madh financiar, ku është përfshirë edhe ambasadori i Kosovës, të cilin e kishte emëruar kryetarja, Vjosa Osmani. Duke folur për këtë rast para gazetarëve, zonja Osmani ka thënë se është për keqardhje që konstatohet një gjë e tillë për një ambasador të Kosovës por që nuk është konstatuar nga asnjë organ i drejtësisë dhe akuzë të cilën ambasadori e ka mohuar në tërësi. Sa i përket dekretimit natyrisht që e kam dekretuar edhe shtetësinë sepse janë kompetenca të presidentes pra kam vepruar në përputhje të plotë me ligjin”, tha ajo para gazetarëve.
