Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i SPAK-ut në Shqipëri, Arben Kraja në një konferencë për mediet duke folur për grupet kriminale të cilat po i arreston Policia e Shtetit tha se këto grupe karakterizohen nga dhunë e egër me rrezikshmëri të lartë për shoqërinë. Sipas tij, pjesëtarët e grupeve kriminale paguajnë shuma të mëdha parash për vrasjen e kundërshtarëve, me një organizim të një shkalle të lartë. Ajo që është karakteristikë për këta grupe kriminale është dhuna e egër e treguar në kryerjen e krimeve, si dhe pasojat shumë të rënda të ardhura nga vendimet kriminale. Pjesëtarë të një grupi kriminal në raste të ndryshme bashkëpunojnë me grupe të cilët janë kundërshtarë të njëri-tjetrit, hetimi ka nxjerrë në pah se grupet kriminale ishin në gjendje të paguanin shuma të mëdha parash për vrasjen e personave, të cilët i konsideronin si kundërshtarë. Mënyra e kryerjes së veprave penale tregon për një shkallë shumë të lartë organizimi dhe në këtë mënyrë edhe shkallë shumë të lartë rrezikshmërie shoqërore”, theksoi, Arben Kraja.
