Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, takoi zëvendës-kryetarin e Zvicrës, Alain Berset, gjatë Forumit Ekonomik Botëror që po zhvillon punimet në Davos. Gjatë takimit u vlerësuan lart marrëdhëniet e afërta miqësore dhe lidhjet e ngushta njerëzore ndërmjet Kosovës dhe Zvicrës. Përmes një komunikate, nga Zyra e Kryeministrit të Kosovës thuhet se me këtë rast u theksua zgjerimi dhe thellimi i bashkëpunimit sa më të afërt për interesat dhe çështjet e përbashkëta, siç janë zhvillimi socio-ekonomik i Kosovës, stabiliteti dhe prosperiteti i Ballkanit Perëndimor. U vlerësua angazhimi prej shumë vitesh i Zvicrës në arritjen e këtyre objektivave, që reflektohet edhe në programet e bashkëpunimit zhvillimor dhe mbështetjes së paqes. Po ashtu me këtë rast Zvicra ka konfirmuar mbështetjen e fuqishme për anëtarësimin e Kosovës në Këshill të Evropës thuhet mes tjerash në komunikatë.
