Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I dërguari i Shteteve të Bashkuara të Amerikës për Ballkanin Perëndimor, Gabriel Escobar, ka thënë se mbështesin të gjitha iniciativat për afrim ekonomik në Ballkanin Perëndimor. Ai duke folur para pjesëmarrëse të “Ballkanit të hapur” që u mbajt në Ohër te Maqedonisë së Veriut, ka thënë se kjo iniciativë duhet të jetë e hapur për të gjitha shtetet e rajonit. “Secila iniciativë duhet t’i përfshijë të gjitha shtetet e Ballkanit Perëndimor në nivel të njëjtë. ‘Ballkani i hapur’ është iniciativë e shkëlqyeshme, që vjen në një kohë shumë të rëndësishme për zhvillimin e Ballkanit perëndimor”. “Përkrahim liderët e kësaj iniciative që të bashkëpunojnë me në tregun e përbashkët. Ju mbështesim që kjo iniciativë të jetë ekonomike. Nuk është projekt politik, me rëndësi që është të ngelet projekt ekonomik. Escobar ka theksuar se mbështesin të gjitha iniciativat rajonale ekonomike, jo vetëm “Ballkanin e Hapur”.
