Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori i Holandës në Kosovë, Robert Bosh ka reaguar pas paralajmërimeve se mund të ketë një udhërrëfyes shtesë për Kosovën lidhur me çështjen e liberalizimit të vizave. Komisioneri për Zgjerim dhe Fqinjësi i Bashkimit Evropian, Oliver Verhelyi një ditë më parë paralajmëroi një udhërrëfyes shtesë për liberalizimin e vizave për Kosovën, në debatin që u zhvillua të hënën në Parlamentin Evropian. Ish ambasadori i Holandës në Kosovë, Robert Bosh, thotë se edhe pse Kosova i ka plotësuar kushtet sipas Komisionit Evropian, Verheyi vjen me kërkesa që nuk kanë qenë për vendet tjera. “Edhe pse Kosova i plotëson të gjitha kushtet sipas Komisionit të BE-së, Verhelei vjen me më shumë kërkesa që nuk i kemi bërë kurrë për të gjitha vendet që kanë marrë liberalizimin e vizave gjatë viteve të fundit. Unë me të vërtetë nuk e di se si të arrihet drejtësia për Kosovën”, shkruan ai. Kosova është i vetmi vend në Evropë që nuk e gëzon lirinë e lëvizjes, ndonëse Komisioni Evropian dy herë ka theksuar se Kosova ka përmbushur të gjitha kriteret.
