Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësit e fushës së shëndetësisë kanë shfaqur shqetësimin e tyre për largimin e mjekeve nga Kosova dhe kanë paralajmëruar se ky do të jetë problemi kryesor në fushën e shëndetësisë në të ardhmen. Ish ministri i Shëndetësisë, Ferid Agani ka deklaruar për “Ekonomia Online” se pasiguria e mirëqenies ekonomike, pagat tejet të ulëta të gjitha kanë bërë që profesionistët shëndetësor ta shohin të ardhmen e tyre jashtë vendit që paraqet tragjedi në aspektin e ofrimit të shërbimeve shëndetësore për popullatën sepse mungesat që do të vërehen në vend pas disa vjetëve janë të jashtëzakonshme. Edhe ish-ministri tjetër i Shëndetësisë, Armend Zemaj ka thënë se është tejet shqetësuese mungesa e përpjekjeve të Qeverisë për të mbajtur mjekët në Kosovë duke ndërmarr hapa konkret, qoftë rritjes së pagave, ofrimin e kushteve më të mira për punë, përkrahja financiare e atyre të cilët meritojnë përkrahje dhe hapa të tjerë.
