Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, pasi e mori detyrën e kryetarit të Shtetit e përmendi Kosovën, si dhe aspiratën e ligjshme dhe të natyrshme për bashkimin kombëtar. Ai me atë rast ka deklaruar: Do të jem shërbëtor i popullit mbarë, mbështetës i palëkundur i integrimeve euroatlantike të gjithë shqiptarëve të Shqipërisë, Kosovës, Maqedonisë së Veriut, Malit Zi dhe Kosovës Lindor si dhe e kudo janë ata dhe ku punojnë. “Me aspiratën shekullore të popullit shqiptar për identitetin dhe bashkim kombëtar”, ka nënvizuar Begaj. Ai ka folur edhe për luftën në Ukrainë, duke konfirmuar se Shqipëria me kohë dhe ndër vendet e para është rreshtuar përkrah aleatëve perëndimorë. Kryetari i Shqipërisë dhe i të gjithë shqiptarëve gjatë fjalës së tij pasi e mori zyrtarisht detyrën e të Parit të Shtetit gjithashtu ka përmendur edhe shtetin e së drejtës dhe angazhimin e të gjithëve për një demokraci më të avancuar që iu shërben të gjithë qytetarëve, të vendit.
