Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Prokurorial i Kosovës dhe Prokurori i Shtetit kanë reaguar kundër disa deklaratave të kryeministrit Albin Kurti dhe ministres së Drejtësisë, Albulena Haxhiu, pasi Kurti tha se mbi 200 gjykatës janë marrë me rastet e dhunës seksuale dhe kanë shqiptuar vetëm dënime me gjobë dhe me kusht, ndërsa akuzoi edhe rreth 140 prokurorë të cilët tha se kanë lejuar parashkrimin e lëndëve për këto raste. KPK dhe Prokurori i Shtetit i kanë quajtur të pasakta dhe tendencioze këto prononcime publike të kryeministrit dhe Ministres së për parashkrimin e rasteve të dhunës seksuale në Prokurori, pasi demantohen tërësisht nga raportet zyrtare të sistemit prokurorial. Nga raportet e KPK-së dhe Prokurorit të Shtetit, sipas të dhënave për veprat penale për rastet e dhunës seksuale përgjatë vitit 2020, 2021 dhe gjashtëmujorit të parë të vitit 2022, është parashkruar vetëm një rast që ka pasur të bëjë me dhunën seksuale.
Këshilli Gjyqësor i Kosovës, me qëllim të informimit drejtë të opinionit publik lidhur me zhvillimet e fundit, përfshirë edhe qëndrimet e Këshillit lidhur me deklaratat e Kryeministrit dhe Ministres së Drejtësisë për punën e sistemit gjyqësor, se sot me fillim nga ora 10:30 organizon Konferencë për Media në ndërtesën e Këshillit Gjyqësor, rruga “Luan Haradinaj”, në Prishtinë.
