Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Eliza Hoxha, ka reaguar për faktin se investimet e Fondit të Kursimeve Pensionale të Kosovës po përjetojnë periudhën më të keqe ne këtë vit. Ajo thotë se shteti nuk garanton për kursimet në Trust, pasi ai aktualisht, shërben vetëm si Fond mirëbesimi. Shteti nuk garanton për paret e tona në TRUST sepse nuk është fond pensional si duhet të jetë e më këtë as të drejtën për t i ndalur paratë tona. Deputetja tha se më mirë do të ishte që kursimet të ishin në duart e qytetarëve, duke iu referuar kërkesës së pamiratuar të PDK-së për lejimin e tërheqjes së një pjese të mjeteve nga Trusti. Sipas Bankës Qendrore të Kosovës, rënia e investimeve të këtij institucioni përgjatë periudhës janar-korrik 2022 ka arritur në 161.7 milionë euro. Kjo bëhet e ditur në një raport mbi sistemin financiar të Kosovës të botuar më 31 gusht 2022, ku theksohet se rënia e vlerës së aksioneve të Trustit përgjatë periudhës janar-korrik 2022 është shumë më e lartë se kontributet e reja të grumbulluara në këtë periudhë.
