Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti i shquar nga Shtetet e Bashkuara të Amerikës, Janusz Bugajski ka konstatuar se Bashkimi Evropian po e toleron sot presidentin e Serbisë, Aleksander Vuçiq ashtu siç e toleronte dikur presidentin e Serbisë, Vlladimir Putinin. Gjatë intervistës për gazetën malazeze “Pobjeda” analisti Bugajski ka shtuar më tutje se perëndimi negocioi me Kishën Ortodokse Serbe, e cila është një lidhje e drejtpërdrejtë me Kremlinin, sepse mendonte se koncesionet do ta qetësonin. “Perëndimi negocioi me Kishën Ortodokse Serbe, e cila është një lidhje e drejtpërdrejtë me Kremlinin, sepse mendonte se koncesionet do ta qetësonin, por nuk funksionon kështu, e dimë nga përvoja. E njëjta Evropë lejoi që paratë “e pista” ruse të kalonin nëpër bankat evropiane për tridhjetë vjet, në mënyrë që ta bënte Moskën pro-evropiane. Rusët tani po i përdorin ato lidhje për të minuar të njëjtën Evropë. Nuk ka negociata me Moskën, Kishën Ruse dhe Kishën e Serbisë. Vuçiq po përpiqet të jetë “Titoja e vogël” për të balancuar Lindjen dhe Perëndimin, duke mos e kuptuar se ai është në një situatë tjetër sepse tani Rusia është një kërcënim i hapur për sigurinë evropiane” ka paralajmëruar njohësi i rrethanave në Ballkan, Evropë dhe më gjerë, analisti amerikan, Janusz Bugajski.
