Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi komunal i Deçanit në mbledhjen e vet të jashtëzakonshme, ka shprehur kundërshtimin ndaj vendimit të Gjykatës Kushtetuese që i dha të drejtë Manastirit të Deçanit në kurriz të pronave të ndërmarrjeve shoqërore. Si pozita ashtu edhe opozita, e vlerësoi këtë vendim si të kundërligjshëm, të turpshëm dhe diskriminues për qytetarët e Deçanit. Kurse, kryetari i kësaj komune, Rasim Selmanaj, theksoi se përfaqësuesi ligjor i komunës konsideron se ende ka hapësirë ligjore për kontestimin e këtij vendimi. Ndërkohë, Kuvendi komunal ka themeluar një komision i cili është duke e përpiluar një deklaratë e cila shpreh vullnetin politik të asamblesë komunale të Deçanit, për ta kundërshtuar në të gjitha mënyrat zbatimin e këtij vendimi. Përndryshe, nesër do të mbahet një protestë para Manastirit të Deçanit kundër përvetësimit të pronave të ndërmarrjeve shoqërore.
