Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sopranja nga Shqipëria, Inva Mula gjatë qëndrimit në Beograd ku merr pjesë në disa aktivitete muzikore e kulturore është ndier veçanërisht e emocionuar në takimin që pati me kryeministrin e Serbisë, Aleksandër Vuçiq, për të cilin shpreh konsiderata të veçanta. “Kur m’u komunikua që Vuçiç do të më priste u emocionova pasi është gjithnjë vlerësim që i bëhet një artisti, dhe të jesh në këtë bashkëbisedim me një kryeministër me energji pozitive dhe që do dhe e mbështet artin, ishte bukur”, rrëfen Inva. Është e pamundshme që sopranoja Mula të mos ketë dëgjuar për “pozitivitetin” e Vuçiqit, për krimet që ai kryer me Sheshelin Arkanin, Mlladiqin e Karaxhiqin gjatë luftës në Bosnje e Kroaci, por edhe gjatë luftës në Kosovë. Servilizmi dhe koketimi i tillë i ulët, më së paku i kanë hije një artisteje të njohur në botë, e cila frekuenton qendra filharmonike të botës, por nuk besoj ta ketë vizituan Memorialin e Srebernicës, apo memorialin e Adem Jasharit në Prekaz të Drenicës, apo të ketë ndier emocion gjatë takimit me ndonjë qeveritar të Kosovës apo Shqipërisë.
