Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Bashkimit Evropian, Peter Stano, ka thënë se kryeministri i Kosovës, Albin Kurti dhe kryetari i Serbisë, Aleksander Vuçiq kanë marrë ftesë për një takim që së shpejti pritet të mbahet, në Bruksel. Ata janë ftuar për takim në kuadër të procesit të dialogut, edhe pse zëdhënësi Stano nuk ka treguar se kur mund të ndodhë një takim i tillë. Duke rikujtuar cilësimet e shefit të diplomacisë evropiane, Josep Borell, rreth urgjencës së çështjes së targave në veri të Kosovës, Stano u shpreh se shpresohet se ky takim të zhvillohet para dhe jo pas datës 21 nëntor, pasi fillon zbatimi i fazës së dytë të vendimit të Qeverisë së Kosovës për gjobitjen e qytetarëve serbë, të cilët në automjetet e tyre vazhdojnë të kenë targat ilegale KM, në vend të atyre legale RKS.
