Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Shqipërisë nuk i ka dhënë leje Partisë Demokratike për protestën e paralajmëruar më 6 dhjetor, datë kur për herë të parëm në Tiranë, do të zhvillohet samiti BE-Ballkani Perëndimor. Në një letër dërguar Partisë Demokratike nga drejtori i Policisë së Tiranës, Lorenc Panganika, thuhet se zhvillimi i tubimit brenda perimetrit të sigurisë pengon zhvillimin normal të samitit dhe përbën rrezik real për sigurinë kombëtare dhe sigurinë publike. Prandaj për këtë arsye, Policia ka vendosur ta ndalojë zhvillimin e tubimit të kërkuar për datën 06.12.2022 ora 12:00 deri në orën 16:00 në vendin e përcaktuar në kërkesë. Panganika thotë se Policia e Tiranës mbetet e angazhuar për të garantuar të drejtën e çdo qytetari për të marrë pjesë në tubime paqësore dhe mirëpret çdo njoftim të PD për zhvillimin e tubimit në një vend alternativ, jashtë perimetrit të sigurisë. Ndërkohë sekretari i Përgjithshëm i PD-së, Flamur Noka ka thënë se askush nuk mund të ndalë të drejtën për të protestuar. Askujt në Shqipëri ne nuk i marrim leje për të protestuar, ka thënë militanti i Sali Berishës, Flamur Noka.
