Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri kroat i Punëve të Jashtme, Miro Kovaç ka thënë se hapja e kapitujve për Serbinë është sikur universiteti, por Serbia ende nuk e ka dhënë provimin pranues. Ai ka saktësuar se Kroacia po i bën të qarta me shkrim se çka duhet të bëjë Serbia për të kaluar këtë provim. “Kroacia dëshiron që Serbia të vendosë marrëdhënie me Kosovën për të mirën e njërit dhe shtetit tjetër”, ka thënë Kovaç. I pari i diplomacisë kroate ka përsëritur kushtet e Zagrebit për Serbinë. “Bashkëpunimi me Tribunalin e Hagës duhet të jetë i plotë, duhet të pranohen aktgjykimet dhe vendimet e Tribunalit të Hagës, duhet të respektohen të drejtat e minoriteteve, sundimi i ligjit, dhe kështu edhe e drejta e minoritetit kroat i cili duam të jetë i përfaqësuar në Kuvendin e Serbisë si dhe Serbia duhet të heqë dorë nga juridiksioni për krime lufte në gjithë territorin e ish- Jugosllavisë”, është shprehur ministri kroat, Kovaç.
