Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, gjatë qëndrimit për një vizitë zyrtare në Amerikë, ka biseduar me senatoren nga shteti i Ajovës, Xhoni Ernst. Ai ka thënë me këtë rast se partneriteti i ngushtë i Kosovës me shtetin e Ajovës është dëshmia më e mirë e orientimit tonë proamerikan. Pata kënaqësinë që ta falënderoj nga afër Senatoren amerikane nga shteti i Ajovës, Xhoni Ernst, gjatë takimit që zhvilluam në senatin amerikan, në Uashington. Në shtetndërtimin e Kosovës, kontribut të lartë ka dhënë edhe shteti i Ajovës, përmes bashkëpunimit në shumë fusha, si në arsim, ekonomi por edhe në rritjen e kapaciteteve të Ushtrisë së Kosovës. Garda Nacionale e këtij shteti ka dhënë kontribut të veçantë në forcimin e FSK-së, dhe kjo është njëra ndër të arriturat kulminante të këtij bashkëpunimi. Miqtë si Ernst duhet t’i mbajmë përherë afër vetes!”, ka shkruar Haradinaj në një postim të tij.
