Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, takoi Kryetarin e Suharekës, z. Bali Muharremaj. Zhvillimet e pandalshme pozitive dhe sukseset e tij të dukshme në Suharekë, paraqesin modelin më të mirë të një kryetari të përgjegjshëm, të angazhuar e punëtor dhe në shërbim të plotë të qytetarëve. Më pas, së bashku me Baliun dhe bashkëpunëtorët e tij, Fatmirin, Sarandën dhe Përparimin, vizituan shtëpinë për të moshuar në Gjinoc “Jetimët e Ballkanit”, ku panë nga afër kushtet e mira dhe hapësira të përshtatshme për ofrimin e shërbimeve, organizimin e mirë dhe funksionalitetin, përkujdesjen dhe higjienën e nivelit shumë të lartë, që ofron kjo qendër me personelin e saj shumë profesional. Po ashtu, patën edhe një takim me humanistin Halil Kastrati nga shoqata “Jetimët e Ballkanit”. Humanistit, Hoxhë Halil Kastratit, që është vëlla i dëshmorit Besnik Kastrati i dhuruan emblemën e UÇK-së dhe një Orë me simbolin e komunës, në shenjë nderimi për jetën dhe veprën e dëshmorit dhe në shenjë falënderimi për humanizmin e treguar dhe të pandalshëm si ora, në ndihmë familjeve në nevojë.
