Analisti nga Shtetet e Bashkuara të Amerikës, Eduard Xhosef e ka quajtur veprim jo të mençur, ngushëllimin e ambasadorit amerikan në Serbi, Kristofer Hill, që ju bërë familjeve për jetët e humbura gjatë luftërave të viteve 90’të dhe të atyre që pësuan humbje si pasojë e bombardimeve të NATO-s. “Nuk ishte e mençur sepse, që nga momenti i vitit 2010 kur Parlamenti serb njohu në heshtje gjenocidin e kryer në Srebrenicë, Serbia ka ecur mbrapa në trajtimin e së kaluarës … ndërsa demokracia e saj ka ecur prapa. Revizionizmi është thelbi i regjimit të Vuçiqit. Ashtu si Putini me rusët, Vuçiç inkurajon serbët të mendojnë për veten si viktima, jo si autorë. Për Beogradin, historia e fundit e Kosovës fillon në vitin 1999, me bombardimet e NATO-s, jo me 1989 me heqjen e autonomisë – dhe një dekadë represioni brutal”, ka deklaruar mes tjerash, analisti nga Shtetet e Bashkuara të Amerikës, Eduard Xhosef.
![Eduard Jospeh: Shkaku i problemeve në Ballkanin Perëndimor është se Serbia nuk e pranon rendin perëndimor](https://www.radiokosovaelire.com/wp-content/uploads/eduard-joseph-660x330.jpg)