Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti Suprem i Aleancës Veriatlantike në Evropë, i cili udhëhoqi fushatën e NATO-s kundër Serbisë, në vitin 1999, Vesli Klark, në librin e tij, ”Të bësh luftë moderne”, kishte treguar disa detaje të pathëna të negociatave e koordinimeve të sulmeve ushtarake që ishin treguar për herë të parë në këtë libër, ku dëshmohet aleanca me Ushtrinë Çlirimtare të Kosovës. Ai ka treguar për bisedën dramatike që ka zhvilluar me dy vartësit e tij: Mike Short dhe Jay Hendrixin, gjatë luftimeve të UÇK-së për Majën e Pashtrikut. Deri në orën 13:00, thash unë, ju do të më thoni se çfarë do të ndërmerrnit për t’i ndihmuar UÇK-së të mbajë pozicionet në majë të malit. Mali nuk do të humbet. Ne nuk do t’i lejojmë serbët të ngjiten në majë të malit. Do të paguajmë për atë majë të malit me gjakun e amerikanëve, nëse nuk i ndihmojmë UÇK-së të mbajë pozicionet. Ky është prioriteti im numër një, ka shkruar në rrëfimin e tij gjenerali Clark. (Demokracia).
