Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Jo zyrtarisht bëhet e ditur se sigurimi i 80 votave në Kuvendin e Kosovës për ratifikimin e Marrëveshjes për Demarkacion me Malin e Zi është i pamundshëm dhe vlerësohet si sfidë për koalicionin qeverisës, PDK-LDK dhe minoritetet. Që kjo çështje të mos dështojë, partitë në pushtet po kërkojnë nga opozita një konsensus të cilin ata e vlerësojnë të domosdoshëm. Derisa kryetari i Kosovës, Hashim Thaçi kërkon ratifikimin e marrëveshjes, duke përmendur kushtin që i ka vënë vendit Bashkimi Evropian opozita kërkon komision të ri për vijën kufitare. Sipas përfaqësuesve të partive politike dhe sipas vlerësimit të analistëve politikë, koalicioni qeverisës nuk i ka votat e mjaftueshme për ratifikimin e kësaj marrëveshjeje, që kërkohen dy të tretat e gjithë deputetëve.
