Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale, e cila në mediet tona dhe në prononcimet e politikanëve pragmatistë quhet, “Dhomë e Specializuar e Kosovës, ka njoftuar se nesër, më 11 prill fillon procesi i paraqitjes së provave nga ana e Zyrës së Prokurorisë, me dëgjimin e dëshmitarëve në rastin e pretenduar penal kundër krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Sipas procedurës gjyqësore, me këtë rast fillon procesi i paraqitjes së provave nga ana e Zyrës së Prokurorisë Speciale, me dëgjimin e dëshmitarëve, shumica prej tyre, pa identitet publik dhe të instruktuar paraprakisht, për të dëshmuar kundër krerëve të luftës, e cila i solli lirinë dhe pavarësinë Kosovës, bashkë me NATO-n. Katër krerët e luftës që nga nëntori i vitit 2020 gjenden në paraburgim, në Hagë. Gjykimi ka filluar pas dy vjet e gjysmë, ndërsa pritet të zgjasë për pesë vite e më shumë, kanë bërë të ditur burime nga kjo Gjykatë antishqiptare.
