Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës Memli Krasniqi, ka uruar qytetarët e vendit për vendimin e Parlamentit Evropian për liberalizimin e vizave. Ai ka shkruar se pavarësisht që ishte vendim i vonuar, prapëseprapë është i merituar e i mirëseardhur. Vendimi i Parlamentit Evropian për liberalizimin e vizave për qytetarët e Kosovës, edhe pse shumë i vonuar, është më se i merituar e i mirëseardhur. Prandaj, para se gjithash, sot urimet i meritojnë qytetarët tanë. Shpresoj që ky vendim të hyjë në fuqi sa më parë”, ka shkruar kryetari i Partisë Demokratike të Kosovës Memli Krasniqi. Edhe përfaqësuesit e institucioneve dhe liderët partiakë e kanë përshëndetur miratimin e Parlamentit Evropian lidhur me liberalizimin e vizave për Kosovën, nga 1 janari i vitit 2024.
