Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Kosovës, Hashim Thaçi dje ka qëndruar pesë orë në familjen e tij, në fshatin Burojë. Bëhet e ditur se arsyeja e ardhjes së Thaçit në familje është për të vizituar nënën e tij, e cila ditë më parë kishte disa probleme shëndetësore. Kjo është ardhja e parë e Hashim Thaçit në Kosovë, pas ngritjes së aktakuzës në nëntor të vitit 2020. Atij iu ka lejuar të vijë në Burojë nën masa të ashpra të sigurisë për ta vizituar nënën e tij, të cilës i është përkeqësuar gjendja shëndetësore. Dje forca të shumta të sigurisë janë parë në Burojë. Po ashtu, në afërsi të shtëpisë së familjes Thaçi në Burojë dje ishte i vështirësuar edhe komunikimi, pasi siç duket për shkak të masave të sigurisë është ndërprerë edhe rrjeti i internetit dhe telefonisë.
