Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të aktiviteteve për shënimin e 150 vjetorit të themelimit të Ferizajt, po mbahet edhe java e shëndetësisë ferizajase, e mbushur me shumë aktivitete të ndryshme. Sot, me pjesëmarrjen e Kryetarit të Komunës së Ferizajt, Agim Aliu, deputetit të Kuvendit të Kosovës, Elmi Reçica, drejtorit të DSHMS-së, Dr. Kemajl Emini, menaxhmentit të QKMF-së, Spitalit Rajonal, QRSHP-së, Shëndetit mendor si dhe dhjetëra punonjësve shëndetësor u shpalos obelisku kushtuar kontributit të mantelbardhëve ferizajas ndër dekada, në kujtim dhe falënderim për kontributin e tyre. Me një fjalë rasti, të pranishmëve iu drejtua edhe Kryetari i Komunës së Ferizajt, Agim Aliu i cili falënderoi mantelbardhët për kontributin e tyre, dhënë për shëndetin e qytetarëve, kurse drejtori i DSHMS-së, Dr. Kemajl Emini vuri theksin tek aktivitetet që po shënojnë këtë javë. Me fjalë përshëndetëse të pranishmëve iu drejtuan edhe menaxhmenti i lartë i institucioneve shëndetësore të tri nivele në Ferizaj.
