Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Prishtinë u hap Seminarit i 41-të, Ndërkombëtar për Gjuhën, Letërsinë dhe Kulturën Shqiptare. Në këtë ceremoni, përveç organizatorëve ishin të pranishëm edhe ministrja e Arsimit, Arbërie Nagavci, rektori i Universitetit të Prishtinës, Qerim Qerimi, ambasadorë të huaj, studentë. Profesori Bardh Rugova, drejtor i këtij Seminari, bëri të ditur se janë mbi 120 seminaristë të huaj që do të marrin pjesë në kuadër të seminarit dhe të cilët do të mësojnë tre nivele të gjuhës shqipe. “Shqipja ka status të pafavorshëm në vendet ku është pakicë, ndërsa folësit e brezit të dytë dhe të tretë në mërgim, gradualisht shndërrohen në gjysmë-folës, para syve tanë”, theksoi Rugova. Ai tha se departamentet e gjuhës shqipe nën ndikimet e ndryshme po zvogëlohen dhe po shuhen. Seminari Ndërkombëtar për Gjuhën, Letërsinë dhe Kulturën Shqiptare do të zgjasë deri më 25 gusht.
