Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga një shpërthim në Republikën Domenikane kanë humbur jetën dhe janë plagosur dhjetëra persona. Mediet bëjnë të ditur se shpërthimi i fuqishëm goditi një zonë tregtare të San Cristóbal, kryeqyteti i provincës me të njëjtin emër. Instituti Kombëtar i Mjekësisë Ligjore ka konfirmuar 32 vdekje, nga të cilat 13 trupa janë identifikuar dhe 11 u janë dorëzuar familjeve të tyre. Ministria e Shëndetësisë ka njoftuar se nga 59 të plagosurit, 12 vazhdojnë të jenë të shtruar në spital, mes të cilëve pesë në pavionin e djegieve. Ende nuk dihen shkaqet e katastrofës, e cila u pasua nga një zjarr i madh dhe autoritetet thonë vetëm se po hetojnë.
