Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot ka dështuar seanca e jashtëzakonshme e thirrur nga opozita lidhur me blerjen e teksteve shkollore, për shkak të bojkotimit të deputetëve të Vetëvendosjes. Kryetari i PDK-së, Memli Krasniqi ka thënë se është për keqardhje që për shkak të papërgjegjësisë së kësaj qeverie, po na imponohet çdo sesion parlamentar të fillojë me seancë të jashtëzakonshme sepse gabimet dhe veprimet, vendimet e kësaj qeverie po e sjellin situatën të tillë. Sot do të duhej të diskutonim për reformën në arsim, në situatë normale për mundësitë e reja që ka krijuar kjo qeveri për nxënësit, por ne e kemi thirr si opozitë këtë seancë pikërisht për të fol për diçka që askush nuk e kishte paramenduar, që për herë të parë pas shpalljes së pavarësisë i ka lënë nxënësit pa libra. Kjo është e turpshme dhe është shkelje e ligjit. Këta njerëz e kjo ministre ka përgjegjësi penale, e kanë trefishuar koston e librave duke u thirrur në kursime. A ka diçka më të turpshme sesa ikja e shumicës parlamentare nga Kuvendi. Prej Albin Kurtit e poshtë prej kujt po ikni. Turp ju qoftë”, është shprehur, Memli Krasniqi.
