Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një reagim të KMDLNj-së lidhur me tekstet shkollore thuhet se u krijuan radhë të gjata dhe viti shkollor filloi me vonesa, pasi nxënësit që nuk ishin pajisur me tekste të reja, ose shkuan me tekste të vjetra ose fare pa to. Tash, përgjegjësia për këtë rrëmujë të shkaktuar dhe komplikim të gjendjes endej si topi i ping – pongut, nga njëra fushë Ministria te tjetra, botuesit, ndërsa prindërit dhe nxënësit e pësuan shkak i papërgjegjësisë institucionale, në radhë të parë e pastaj nga përgjegjësia nuk mund të lirohen krejtësisht as botuesit. Qeveritë e mëparshme e kishin krijuar një standard të furnizimit me libra shkollorë falas dhe kjo mirë funksiononte, prandaj për KMDLNj-në mbetet i paqartë shkaku pse MASHTI veproi në këtë mënyrë. Nëse MASHTI përmes kësaj forme të kompensimit ka arritur të kursejë mjete nga buxheti i Kosovës, pra nëse kostoja del të jetë më e lirë se nga ato të mëhershmet, atëherë edhe mund të arsyetohet dhe të mos i nënshtrohet përgjegjësisë”, është thënë në reagimin e Këshillit për Mbrojtjen e të Drejtave dhe Lirive të Njeriut.
